CENTRAL PHILIPPINE UNIVERSITY, NAKABATON MAN SANG BOMB THREAT

Iloilo City- Ginkumpiirmar sang admin staff sang Central Philippine University nga nakabaton sila sang bomb threat kahapon, October 4.

Suno sa staff nga indi lang magpakilala, ang mensahe ginpadala sa Facebook page sang unibersidad alas 10:48 halin sa Facebook account nga “Abdul Haser.”

Nakabaton pa gid sila sang mensahe alas 11:20 sang aga halin man sa nasambit nga account nga ang bomba nabutang malapit sa comfort room sa CPU.

Wala ginpabalo sang admin staff ang mga estudyante tuhoy sa pamahog agud malikawan ang pagpuhag sa mga ini kag malikawan man ang kulba sa mga estudyante.

Sang gin-usisa ang tanan nga builiding, wala sang may nakita nga bomba.

Desidido magpasaka sang kaso ang tagdumalahan sang CPU batuk sa suspek.

SOURCE: Aksyonradyo Iloilo

Special thanks to: