GRUPO NI CONGRESSMAN TRENAS, DOMINADO ANG PADAUG SA 2019 SA LATEST NGA RACI SCIENTIFIC SURVEY

Magluwas nga tuman ka layo ang abansehon ni Iloilo City Congressman Jerry Trenas sa pagka mayor batuk kay Iloilo City Mayor Joe Espinosa, dominado man sang grupo ni Trenas ang padaug sa halos tanan nga mga posisyon. Si Trenas may 62.2% samtang may yara lamang sang 29.5% si Espinosa.

Abanse sa pagka congressman ang kaalyado ni Trenas nga si Lex Tupas nga may yara 36.3% batuk kay Joshua Alim nga may 31% kag ang isa pa gid ka kaalyado ni Trenas nga si Jam Baronda nga may 24.2%.

Abanse man sa pagka vice mayor ang kaalyado ni Trenas nga si Jeffrey Ganzon nga may 57.3% batuk kay Gold Gonzalez nga may yara lamang sang 13.2%. Pananglitan magkandidato vice mayor si Tupas, ini ang may yara sang 26.7%.

Daug man ang 8 sa 12 ka mga konsehal sa grupo ni Trenas. Duha ang kay Espinosa, isa ka independent candidate kag may isa nga indi pa makadesisyun kon maupod kay Trenas o Espinosa.

Ang 8 nga yara sa grupo ni Trenas amo sanday Love-love Baronda, Jay Trenas, Ely Estante, Dylee Zulueta, Mandrie Malabor, Candice Tupas, Armand Parcon kag Rudolph Ganzon.

Indi pa man maka desisyon kon diin sa duha ang pagaupdan ni Ed Penaredondo. Maupod naman kay Espinosa sanday Rodel Fullon Agado kag Lyndon Acap. Independent naman si Dave Jamora.

Ang survey ginpatigayon sang Random Access Consultants Inc. (RACI) sang July 27-28 sa 60 ka mga barangay sa syudad nga may 600 respondents gamit ang multi-stage probability sampling methodology nga may margin of error nga +- 4% kag level of confidence nga 96%.

Sang damlag lang, gindaug man sang SK Federation President kag Liga President nga lunsay kaalyado ni Trenas ang mga kaalyado nga ginsuportahan ni Espinosa.

SOURCE: Rmn Iloilo