Suspek nga nagpatay sa criminology graduate sa Guimaras, nadakpan na

SOURCE: Rmn Iloilo

Nadakpan na ang suspek nga ginpahayag naghimulos kag nagpatay kay Emilyn Ganancial, ang criminology graduate nga nasapwan patay sa Brgy. Alibhon, Jordan , Guimaras sang nagligad nga Huwebes, Agosto 2.

Ini ang ginkilala kay Antonio Mallorca, 23 anyos sang Brgy. Dasal, Sibunag, Guimaras.

Suno kay PSSUPT Julio Gustilo sang Guimaras Police Provincial Office, nadakpan ang suspek sa hot pursuit operation nga ginpatigayon sang kapulisan kag gin-ako sang suspek ang krimen.

Ginpahayag ni Gustilo nga ex-boyfriend sang biktima ang suspek.

Padayon pa ang imbestigasyon sang kapulisan kon ngaa ginpatay ni Antonio si Emilyn.